陈滢红肚兜晒索爆身材～短剧作品入围纽约电影节，演技一洗前耻？

喺结束《痞子无间道》拍摄之后

陈滢、周嘉洛、JW、朱敏翰就结伴

一起出埠录制旅游节目啦

事关佢哋啱啱合作完电视剧

大家正係最有默契嘅时候

合体一起玩就特别尽兴

开开心心充完电

陈滢最近就入组拍摄新剧

《家族荣耀之继承者》

虽然佢就冇出席到开机仪式

但从最先公布嘅名单中就知道

陈滢挥低咗大热张曦文

成功跻身“荣耀家族”行列

电视剧喺吉隆坡开拍 啱啱到位嘅陈滢

就冇急住开工而係先晒出一波泳装照

继而又变身时尚中式混搭模特

碎花肚兜搭牛仔裤

露出唔太幼嘅小蛮腰

引发大家关注

有网友话佢超索劲好睇

亦都有人表示

自己唔理解呢种身材

whatever～

自信女孩最磢镜啊

关注陈滢嘅朋友仔

应该都有注意到

陈滢经常穿短款衫

露出腰间嘅肌肤

喺上次嘅颁奖礼红毯上

更係以一袭露背黑金裙

成功吸引咗所有嘅菲林

对于自己嘅身材

陈滢好似从来都唔吝啬

一直都係大大方方晒出来

本来就欧美型骨架嘅陈滢

唔止一次发声话要减肥

但次次都会遇到阻滞

一阵话係导演太nice

日日请食糖水

过一阵又趁自己度假

狂食高热量薯饼

而且唔知点解

陈滢好多显壮嘅服装

例如泡泡袖、包臀裙

将佢身材嘅缺点全盘突出

导致到好多人诟病佢嘅体态

除咗身材嘅问题陈滢嘅演技

亦係大家津津乐道的话题

就攞之前热播嘅《美丽战场》嚟讲

佢瞪眼、假喊、扮嬲等表演

令大家印象非常深刻

最近佢主演嘅

一部短剧《攻心证室》

入选咗纽约电影节嘅官方选片

令佢自己都觉得非常惊喜

据闻呢部剧

两三年前就已经拍好主要係讲陈滢饰演嘅心理学家

用犯罪心理学引导罪犯嘅故事

全剧嘅场景就只有审讯室

主要係陈滢同各种罪犯

对话OR眼神交流、

心理变化等情节

因为场景少、空间细

演员可以发挥嘅空间就只有自己啦

要通过微表情 、小动作等等呢啲细节

嚟诠释成个人物嘅个性

真係一个几有难度嘅挑战

陈滢仲话

拍摄嘅时候导演要求一镜到底

好多台词一口气讲冇停过

自己因此练就咗过人嘅记忆力

陈滢呢部咁有挑战性嘅作品

大家会唔会好期待？

唔知呢部作品能唔能够

帮佢洗白瞪眼演技嘅“黑历史”呢

MORE

今日娱乐看点

何超莲好耐冇见老公

何超莲&窦骁嘅世纪婚礼

轰轰烈烈咁举行

但超莲最近就“抱怨”

婚后两人成个月都冇见啦

因为各自有自己嘅工作

魏大勋曾为消防员绣平安符

最近大热嘅魏大勋

被大家谂起佢嘅过去

曾经喺节目中

为消防员亲手绣平安符

係非常暖心嘅大男孩

吴宣仪为新剧唱OST

小甜剧《郎君不如意》寻日定档

主角之一嘅吴宣仪为该剧献声

演唱插曲《小小心愿》

用温暖又治愈的歌声

缓缓诉说着爱人们浓厚的情意

信息来源：微博、剧照等

网络信息综合整理

编辑：郭玮

审核：曾敏妍

签发：骆苹

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下的粤语生活类报纸，广东省唯一一份粤语刊物。广州至潮至IN的吃喝玩乐，湾区潮流资讯风向，统统喺晒度！

官方微信号：靓仔可乐君（handsomecolor）