《流行经典50年》准备收官！唱足4年，留下那么多精彩片段，你记得吗？

2021-03-12 23:37·可乐生活color

话咁快又嚟到周末，
唔知各位后生仔女，
喺周末有冇陪老豆妈子
睇下节目咁啊？


一到礼拜六日，
有咩节目最啱一家大细
坐埋一齐睇？
可乐君估一定有
《流行经典50年》份啦~
你哋有冇睇先？


有家燕妈妈坐镇嘅
《流行经典50年》，


每个星期都搵
唔同类型嘅歌手，
唱尽怀旧金曲，


唔止阿爸阿妈欢喜，
好多后生仔都话过瘾！


唔讲大家可能唔G，
呢个节目其实一开始
係叫《流行经典50强》噶。


因为播咗冇耐，
喺坊间就有好多好评，
大台梗係食住个势
直头改成
《流行经典50年》，
实行长做长有！


虽然一开始係叫“50强”，
不过老老实实，
有啲歌好似未
去到呢个level？


当然啦，
呢档节目之所以咁hit，
最重要嘅原因
係因为佢哋请嘅歌手啊，


好似王馨平、周慧敏咁，
就同汤宝如合体
献唱《自作多情》。


旧时美少女战士，
啲回忆即时涌晒出嚟啊！！


时隔咁多年，
vivian都一样keep得好好，
一出声即时听出耳油！


古巨基、梁咏琪时隔十几年，
再次同台合唱《许愿》，
真係爷青回啊！


仲有好多歌手都有上嚟
大唱自己嘅首本名曲。


除咗玩回忆杀之外，
节目组仲请咗好多宝藏歌手，
好似黄翊、黎明诗、文佩玲、
张崇基、张崇德等等。


因为上咗呢个节目，
大家先知原来呢班
歌手虽然冇大红，
但都好唱得噶！
之后仲带携佢哋接多咗job。


好似19年，
佢哋仲搞咗个
《记得……我们的主打歌演唱会》
嘅演唱会，
真係恭喜晒啊！


唔好以为得歌手先可以係
《流行经典50年》有作为，
好多演员都係因为咁，
多咗条路噶！


讲嘅就係之前嘅
“我不是歌手”环节，
每集都有唔同嘅
艺人上嚟献唱。
其中康华、樊亦敏、
虾头杨诗敏、区永权等
就畀咗观众好大嘅surprise!


特别係康华，
因为唱得好，畀唱片公司睇中，
仲出埋单曲添！


我哋之前都有同大家share过,
未听过嘅朋友可以点入去感受下
↓
47岁康华杀入乐坛唱Rap！佘诗曼都有份出钱帮佢噶！

首歌唱成点就见仁见智啦，
不过呢班唱得两嘴嘅歌手，
真係多咗唔少
登台唱歌嘅机会噶！


除咗嘉宾之外，
其实主持人都有过唔少惊喜噶。
好似古巨基、陈松伶都有
做过嘉宾主持，
就连刘醒黎耀祥都係！


我哋嘅家燕妈妈都唔嘢少噶，
集集都着得好正，
睇得出有落重本，
好华丽咯！

见到《流行经典50年》
个势咁猛，
隔离ViuTV都唔执输，
即时搵咗《50年》
第一代主持汤宝如，
联同彭家丽、骆振伟，


一齐主持音乐节目
《Chill Club》对撼！


呢档节目每期都会
根据唔同嘅主题拣歌，
听落同《50年》冇咩唔同？


咁你就错啦，
最大嘅分别就係
《Chill Club》
同三大唱片关系良好，
好似AGA、Gin Lee咁，
全部都有上过去！


係星梦歌手霸屏TVB嘅年代，
睇《Chill Club》
真係超级爽啊！


再加上《流行经典50年》
都做到有啲见闷，
好多主题都玩过晒，
啲歌仲越拣越老饼；


相反《Chill Club》
主打就千禧年代嘅金曲，
所以好多观众特别係后生仔，
都转睇《Chill Club》，
你哋有冇睇埋一份啊？


旧年《Chill Club》
仲玩埋每周推介，
摆明单挑《劲歌金曲》。


睇翻《劲歌金曲》，
成个榜单都係剧集歌，
真係闷到呕电咯...


有见及此，
曾志伟翻嚟掌管
大台音乐科之后，
有传第一件事就係
刹停做到见闷嘅
《流行经典50年》。


又因为前排已经同
三大唱片破冰，


所以《劲歌金曲》
会改成喺黄金时段内播出，
请唔同嘅歌手上嚟jam歌，
实行同《Chill Club》撼过！


作为观众，
睇见《流行经典50年》
收官点都会觉得可惜噶了，
不过见好就收都
未尝唔係好事。


若然《劲歌金曲》改版嘅事係真，

话唔埋年底就唔使

再睇“星梦年会”，

到时就真係要贺一贺了！


Any肥，

大家一于就放长双眼睇下

TVB今次搞咩花臣啦~



More · 今日娱乐看点

古天乐因拍剧眼球受伤

今日凌晨，
古天乐係blog度发文话，
自己喺拍摄
《真三国无双》期间,
意外整亲右眼眼球,
搞到缝咗八针。
希望古仔之后拍戏小心啲，
唔好再整亲啦！

毛晓彤杨玏否认恋情

近日有媒体影到

毛晓彤、杨玏一齐食饭，

因而传出恋情。

对此佢哋工作室

均作出否定。

V6即将解散

据日媒，

杰尼斯组合V6将于

11月1日26周年纪念日

正式解散。

希望之后大家都有

更好嘅发展啦！


资料来源：微博、豆瓣

互联网综合整理

编辑：彭琳


*文中图片如涉及侵权请联系，立即删除



扫描下方二维码
get最新675期《可乐生活》

▼



海鲜包送到屋企
你都可以做厨神

▼




羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

举报
评论 0
    热门：